Dokumentet e biznesit
Kontratat, vërtetimet, certifikata e biznesit nga ARBK-ja dhe njoftimet e ATK-së rrinë te dosja e subjektit — të ngarkuara edhe nga telefoni, si fotografi.
Kërkimi hyn brenda letrës
Kërkimi lexon edhe tekstin e një PDF-je të skanuar. Pra një kontratë gjendet me një fjalë prej saj, e jo me emrin që dikush i vuri para dy vjetësh dhe që sot nuk e mban mend askush.
E njëjta letër nuk hyn dy herë
Një dokument i ngarkuar dy herë njihet dhe nuk hyn si i dytë. Kjo e mban dosjen të lexueshme: një dosje me tri kopje të së njëjtës kontratë nuk thotë cila është ajo e fundit.
Kush sheh çfarë nuk është gjë e nënkuptuar
Ne caktojmë për secilin person se cilat lloje dokumentesh i sheh. Kjo vlen edhe brenda biznesit tuaj: ai që mban faturat nuk ka pse të shohë kontratat e punës, veç nëse ju e doni ashtu.
Çmimi
Çmimi i shërbimit dhe puna që përfshihet caktohen me kontratë mes jush dhe nesh — për to flasim drejtpërdrejt, jo nëpërmjet një faqeje.
Tre hapa nga kërkesa te dosja e hapur
- Kërkesa e parë Plotësoni «Bëhuni klient» dhe e konfirmoni emailin me kodin që ju vjen. Kërkesën e lexon një njeri i zyrës.
- E hapim dosjen Hapim dosjen e subjektit tuaj dhe caktojmë çfarë shihni ju dhe çfarë shohin njerëzit e biznesit tuaj, zakonisht brenda një dite pune.
- Gjithçka në një vend Ju vjen një email me lidhjen për të zgjedhur fjalëkalimin, dhe prej asaj dite dosja rri e hapur: faturat, deklarimet, dokumentet dhe afatet janë aty ku i lini.
Si i dërgoj dokumentet te zyra?
Ngarkohen drejt te dosja e subjektit nga faqja e dokumenteve — nga kompjuteri ose nga telefoni, edhe si fotografi e një letre. Një dokument i ngarkuar dy herë njihet dhe nuk hyn si i dytë.
Kush i sheh dokumentet dhe të dhënat e mia?
Ju, dhe ata të zyrës që punojnë me dosjen tuaj. Qasja jepet me emër dhe sipas llojit: një punonjës i zyrës sheh vetëm klientët dhe seksionet që i janë dhënë, dhe ajo që nuk i është dhënë nuk del as te kërkimi, as me adresë të shkruar me dorë.
Çdo hapje, ndryshim dhe fshirje mbetet e shkruar te një gjurmë që nuk kthehet pas — pra pyetja «kush e pa këtë» ka gjithnjë përgjigje.
Çfarë ndodh me të dhënat e mia nëse largohem?
Të dhënat e biznesit tuaj mbeten tuajat. Sa mbahen dhe si kërkohet një kopje ose fshirja e tyre është shkruar te njoftimi i mbrojtjes së të dhënave.
Letrat e biznesit tuaj, në një dosje
Kërkoni një takim ose një llogari — e shqyrtojmë kërkesën dhe jua hapim dosjen. Nëse tashmë keni llogari, hyni dhe vazhdoni aty ku e latë.