Ç’pyetet më shpesh para se të fillohet

Kërkesa bëhet nga faqja «Bëhuni klient» ose me një telefonatë te zyra. Pasi e konfirmoni emailin me kodin që ju vjen, kërkesa mbërrin te zyra — dhe nuk hapet vetvetiu: një njeri i zyrës e shqyrton dhe e lidh me subjektin tuaj. Pastaj ju vjen një email me emrin e atij që e pranoi dhe me lidhjen për të zgjedhur emrin e përdoruesit dhe fjalëkalimin.

Na merrni në telefon ose na shkruani, dhe ju themi çfarë na duhet për të vazhduar aty ku mbeti puna — zakonisht deklaratat e dorëzuara, listat e pagave dhe kontratat e punës. Ato ngarkohen te dosja e subjektit tuaj, nga kompjuteri ose nga telefoni, dhe që ditën e parë rrinë te vendi i vet.

Çmimi varet nga puna që kërkon biznesi juaj — numri i faturave, punëtorët, deklaratat që dorëzohen — dhe caktohet me kontratë mes jush dhe nesh. Platforma nuk shitet veçmas: ajo vjen bashkë me shërbimin.

Po. Një llogari mund të lidhet me disa subjekte, dhe një subjekt mund të ketë disa persona — secili me atë që i takon të shohë. Kush mban dy biznese i sheh të dyja nga e njëjta hyrje, pa dalë e pa hyrë sërish.

Ngarkohen drejt te dosja e subjektit nga faqja e dokumenteve — nga kompjuteri ose nga telefoni, edhe si fotografi e një letre. Një dokument i ngarkuar dy herë njihet dhe nuk hyn si i dytë.

Afatet e subjektit tuaj rrinë te kalendari dhe te faqja e detyrimeve, dhe ju dërgojmë kujtesë për ato që kërkojnë diçka nga ju. Njoftimet mund të vijnë edhe te telefoni, nëse i lejoni te profili juaj.

Po, e njëjta faqe punon te telefoni dhe mund të vendoset si ikonë në ekran, si një aplikacion. Te telefoni hyrja mund të hapet me Face ID ose me gjurmë gishti, në vend të fjalëkalimit të shkruar çdo herë.

Shqip dhe anglisht. Gjuha ndërrohet nga menyja «Pamja» dhe mbetet e zgjedhur për ju, pa prekur atë që shohin të tjerët.

Ju, dhe ata të zyrës që punojnë me dosjen tuaj. Qasja jepet me emër dhe sipas llojit: një punonjës i zyrës sheh vetëm klientët dhe seksionet që i janë dhënë, dhe ajo që nuk i është dhënë nuk del as te kërkimi, as me adresë të shkruar me dorë.

Çdo hapje, ndryshim dhe fshirje mbetet e shkruar te një gjurmë që nuk kthehet pas — pra pyetja «kush e pa këtë» ka gjithnjë përgjigje.

Fjalëkalimi mund të mos mjaftojë vetëm: hyrja mund të kërkojë edhe një kod të dytë nga aplikacioni juaj, ose një çelës të pajisjes. Faqja «Hyrjet e mia» tregon nga cila pajisje dhe kur është hyrë te llogaria juaj, dhe çdo hyrje regjistrohet me datë, orë dhe pajisje.

Nga faqja e hyrjes kërkohet rivendosja dhe lidhja vjen te emaili juaj. Nëse emaili nuk është më i juaji, rivendosjen e bëjmë ne pasi t'ju njohim — sepse një derë që hapet me një email të humbur nuk është derë.

Të dhënat e biznesit tuaj mbeten tuajat. Sa mbahen dhe si kërkohet një kopje ose fshirja e tyre është shkruar te njoftimi i mbrojtjes së të dhënave.